نشرت الفنانة فيفي عبده فيديو عبر صفحتها الشخصية بالموقع الشهير “إنستجرام”، وكان الظهور الأول لها بعد رحيل شقيقتها.
رسالة شكر من فيفي عبده
وأوضحت من خلال: “آسفة جدًا إني قافلة الموبايلات ومش برد على حد، لأنني كنت ملازمة أختي شهرين متواصلين في المستشفى، ونفسيتي تعبانة جدًا ومش عارفة أقول إيه لكل اللي حاولوا يوصلوا ليا ويعزوني ويسألوا علي بشكركم جدا من كل قلبي”.
وتابعت: “بشكر زمايلي وجمهوري وكل اللي حاولوا يسألوا علي، وإن شاء الله يا رب أجيلكم في الفرح، وهي في مكانة أحسن من اللي إحنا فيها مليون مرة وربنا أخد وديعته لا لوم ولا اعتراض، مش عارفة أقولكم إيه بس إن شاء الله أشد حيلي وأطلع لكم لايف إن شاء الله”.
وعن سر عدم إقامتها عزاء لشقيقتها قائلة: “مقدرتش أعمل عزاء لأختي لأنني لست في حالة تسمح لي بالوقوف لأخذ العزاء، وأهلي عملوا لها العزاء في بلدنا في نفس اليوم، وأنا كنت موجودة لحد الترب، لأني كانت نفسيتي تعبانة جدًا لإن شهرين متواصلين كان صعب جدًا أشوف أختي وهي بتودع الدنيا وربنا يشفي كل مريض ويصبر كل مبتلئ، والحمد لله ربنا أخد وديعته”.
