نشرت الإعلامية ريهام سعيد فيديو عبر صفحتها بإنستجرام توجه فيه رسالة للإعلامي جورج قرداحي، وفيه قالت: “جورج قرداحي كل اللى قلته أى كلام بتاع انك كنت بتهزر وان البرنامج هزار، برنامج هزار اطلعوا هزروا على نفسكم متهزروش على الناس ، وانت مكنتش بتهزر والهزار مبيكونش فى كرامة الناس”.
وتابعت: ” فى آخر لقائك بس الجزء مَش منتشر اوى قلت “انتى قليلة الادب” ، مفيش حد بيهزر معاك يديك بالجزمة ويقولك انت قليل الأدب ، ولو هزارك كده فهو خارج عن نطاق الأدب والأخلاق والاحترام والنخوة والرجولة”.
واستكملت: “لما تهزر مره مبتهزرش علّيا انا محدش هانى حتى لما اتحقق معايا فى المجلس الأعلى للإعلام كان باحترام، وانت بتقول انا مَش متابعها ومشفتش الحلقة يبقي ليه وعلى كلامك انا مَش اديت الموضوع اكبر من حجمه أنا اديتك أنت أكبر من حجمك”.
ريهام سعيد تقصف جبهة جورج قرداحي
واوضحت: “بقالك كتير محدش بيجيب سيرتك اصلا والناس نسيتك، ورجعوا اتكلموا عليك تانى لما انا رديت عليك، وانت مَش معقول كبرت كده ومتعرفش ثقافة الاختلاف”.
