الإعلامية ريهام سعيد تواصل هجومها على الفنانة انجي وجدان، وذلك بعد انتقاد الأخيرة لها لتصريحات سعيد في برنامجها عن مرضى السمنة وتماديها بالانتقاد عبر صفحتها بمواقع التواصل الاجتماعي.
حيث قالت ريهام سعيد ردا على فيديو إنجي وجدان قائلة: “انجي والله ما اعرف اسمها ايه طالعة تقولك التخان انا مش بتكلم علي اللي في وزنك يا ستي انتي مبسوطة انك بتعملي مسلسلات والناس بتتريق علي تخنك انتي حرة خليكي في نفسك”.
وأضافت: “انتي طالعة في البرومو بتاع المسلسل بتاعك بتقولي انا متجوزش واحد ثلاثة في بعض انتي مبسوطه كدا مبسوطة ان من خلال شكلك الناس تتريق عليكي فالناس تضحك فهو دا شغلك، اوك تمام”.
واختتمت سعيد وقالت: “لكن انا مبتكلمش علي اللي زيك ولا بتكلم علي اللي مليانة انا بتكلم عن الناس اللي مهددة بالموت مش لاقية سرير في المستشفى اللي مبتقدرش تمشي علي رجليها وبعمل كدا علشان الناس تاخد بالها المرض بيموت”.
تعليق إنجي وجدان على ريهام سعيد
يذكر أن إنجي وجدان، هاجمت ريهام سعيد من قبل بسبب تصريحاتها عن أصحاب السمنة وقالت: “إنها ليس من عادتها أن تهاجم أحد أو تسيء لأحد، وأنها تعاطفت مع ريهام سعيد خلال فترة مرضها الأخيرة، موجهة اللوم عليها بعد تنمر الأخيرة على أصحاب السمنة، وسخريتها منهم في حلقة متلفزة”.
